Дөньядагы иң өлкән ир-атка- 112, хатын- кызга 116 яшь
Японияле Сакари Момои бүген үзенә 112 яшь тулуны билгеләп үтә. Аның 66 яшьлек улы әтисенең котлауларны шатланып кабул итүен әйтә.Хәзер ул Токио шифаханәләренең берсендә дәвалана икән. Туганнары аның яхшы ашавын, элеккечә үк актив булуын әйтәләр.
Гиннесс рекордлар китабы буенча, Сакари Момои иң озын гомерле кеше титулын 2014 елның июнендә 111 яшендә вафат булган Нью-Йорк кешесе Александер Имичтан кабул итеп алган. Иң өлкән яшьтәге хатын-кыз исә шулай ук Япониядән. Аңа бүген 116 яшь.