Ханзаада Салмандын АКШдагы сапары башталды
Ал бүгүн АКШнын президенти Доналд Трамп менен Ак үйдө жолугушат. Мындан сырткары, таасирдүү расмий адамдар, коргонуу, каржы жана соода министри, Борбордук чалгын башкармалыгынын жетекчиси, Конгресстеги эки партиянын лидерлери менен жолугушуу пландалган.
"Ошол эле кезде АКШ жана Батыш тышкы саясатта жүргүзгөн реформалары Сауд Арабиясынын салттуу саясаты менен карама-каршы келген 32 жаштагы башкы ханзааданын саясий ишмердүүлүгүн түшүнүүгө аракет кылууда" деп белгилейт “Америка үнү”.
Үч апта ичинде Салман Нью-Йоркто ишкер чөйрө, Сан-Францискодо "Google" жана "Apple" компанияларынын өкүлдөрү, Лос-Анжелесте шоу өнөр жайынын өкүлдөрү менен жолугушууну пландап жатат. Анын программасында Бостон менен Хьюстондогу жолугушуулар да каралган.