Татар милли киеме Дарьяга җиңү китерде

Бөтенроссия фән олимпиадаларының төбәк этабында Зәй мәктәпләре укучылары уңышлы чыгыш ясауларын дәвам итә. Технология буенча бәйгедә 7нче мәктәпнең VIII сыйныф укучысы Дарья Лопатина призер булды. Дарья укытучысы Ольга Антонова кул астында тегү белән яратып шөгыльләнә. Олимпиадага да ул шул эшләрнең берсен тәкъдим итте. Бәйгедә Дарья тест сорауларына җавап бирде, гамәли эштә сыналды һәм үз кулы белән теккән татар костюмы буенча иҗади проект яклады. Ул кулдан теккән киемнәрнең икътисади яктан отышлы булуын дәлилләде.