Бураннар белән югалган гашыйклык (гашыйклар көненә! )

Җепшек карлар ата идем сиңа,

Яратып һәм үз итеп.

Тоя идең бугай тимәсен дә,

Куя идең серле күз сирпеп.

Ә мин ата идем алларыңа,

Озата кала иде карларым.

Тоя идем җылы нурларыңны,

Син дә сизә идең мин барын.

…Язлар җиткәч җепшек карлар эзләп,

Киләм яшьлек үткән урамга.

Карлар атам, сиңа, тияр кебек

Карларымны йота бураннар…

Вазыйх Фатыйхов