Әлмәт урамнарында кешеләрне ауладылар
Әлмәтнең ЮХИДИ хезмәткәрләре кичә рейдка чыкты.
Максат “Җәяүлеләрнең юлны аркылы чыгу урыны” декадасы барышында юлларда имгәнүләрне киметү, җәяүлеләрне таптату очракларын аз булса да азайту иде. Җәяүлеләр өчен каралган юлны аркылы чыгу урында кешеләргә юл бирмәгән 25 шоферга 1500 сумлык штраф салынды. Рейд барышында юлда йөрү кагыйдәсен бозган 70 тән артык җәяүле ачыкланды. Аларның 42 се административ җаваплылыкка тартылды. Аларга хәзер 500 әр сум штраф түләргә туры киләчәк.