Машиналар өстенә бетон аккан
Бу хәл төнлә, автомобиль хуҗалары тәмле төшләр күреп йоклаган вакытта була.
Казанда Кол Гали урамындагы ишегалдында төзелеш янында калдырылган автомобильләр өстенә бетон ташкыны аккан. Уннан артык машина зыян күргән. Гадәти булмаган “яңгыр”ны видеокүзәтү дә яздырган. Тагын унлап машинаның вак таш сиптерүдән тәрәзәләре ватылган, буявы купкан, машинада батынкы эзләр калган, дип хәбәр итә “Эфир-24”. Тимер ат хуҗалары суд аша компенсация алу өчен документлар җыя башлаган.