Казанда Әлки районының үз сәүдә мәйданчыгы бар
Узган шимбәдә башкалабызда ел дәвамында эшли торган сәүдә мәйданчыгында райондашларыбыз авыл хуҗалыгы продукциясе белән сату иттеләр.
Казанның Дәрвишләр бистәсендә безнекеләр килгәнне кала халкы көтеп алган. Биредә бидоннардан сатыла торган сөтне аеруча яратып алалар икән. Шулай ук өйдә ясалган каймакка, эремчеккә, сырга да сорау зур булган. “Хузангай” кооперативы ярма, ит, казылык эшләнмәләре белән сату итсә, “Кызыл Шәрык-Агро” отрядлары бөртек, фураж алып барганнар. Фермерларның ит һәм сөт ризыклары да әйбәт сатылган. Ярминкәдә, Апак, Борискинодан тыш барлык авыл җирлекләре дә катнашкан.