Зәйдә "Сәламәтлек саклауны модернизацияләү" программасы уңышлы бара

Зәйдә 2014 елда "Сәламәтлек саклауны модернизацияләү" республика программасы кысаларында 6 млн. сумнан артык средстволар үзләштерелеп, күп кенә төзелеш, төзекләндерү эшләре башкарылды. Бура-Киртә, Түбән Лоҗыда модульле ФАПлар төзелде, авыллардагы 11 ФАП төзекләндерелде. Үзәк дәваханә җитәкчелеге республика сәламәтлек саклау министрлыгыннан Иске Зәй бистәсендә дә модульле поликлиника төзүгә ярдәм итүне сорап  мөрәҗәгать иткән иде, әлегә агымдагы елда төзекләндерү эшләрен туктатып тору киңәш ителде.