"Зәй шикәре" заводында булган бәхетсезлек очрагы буенча кузгатылган эш судка җибәрелде
Зәй шәһәр прокуратурасы “Зәй шикәре” ААҖ тендә өч кеше үлеме белән бәйле бәхетсезлек очрагы буенча җинаять эшен шәһәр судына җибәрде.
Билгеле булганча, 5 декабрьдә төнлә белән “Зәй шикәре” ААҖ ендә кайнар дефекат калдыгын агызу барышында өч хезмәткәр 100% күләмендә диярлек термик пешү җәрәхәте алып үлделәр. Бу хәл буенча тикшерү комитеты җинаять эше кузгатты. Тикшерү барышын шәһәр прокуратурасы үз контроленә алды.
Нәтиҗәдә хезмәтне саклау таләпләрен контрольдә тотарга җаваплы булган төп җитештерү эше буенча мастерга гаепләү чыгару өчен эш суд каравына җибәрелде.