Әлмәт юлында 16 яшьлек кыз әти-әнисе күз алдында үлгән
Бүген иртән Рус Акташы-Азнакай юлында "Рено Дастер" һәм “Приора" машиналары бәрелешкән.
Юл-транспорт һәлакәтендә 6 кеше зыян күргән, 4 кеше урында ук вафат булган.
"Рено" машинасының артында утырган 16 яшьлек кыз вафат булган, ә алда утырган әти-әнисе каты тән җәрәхәтләре алган, исән калган. "Лада"ның йөртүчесе һәм ике пассажиры да үлгән.
Авария бозлы юл сәбәпле килеп чыккан дип фаразлана. “Приора” машинасын йөртүче руль белән идарәне югалтып, каршы якка чыга, нәтиҗәдә ике машина бәрелешә.