Полиция хезмәткәре хатынын аткан
23 февраль төнендә күрше районда полиция хезмәткәре үз хатынын атып үтерә. “Татар-информ” агентлыгы мәгълүмате буенча, Тукай районы эчке эшләр бүлеге башлыгының 36 яшьлек урынбасары фатирында туган низаг барышында “Сайга” карабиныннан 33 яшьлек тормыш иптәшенә ата. Күкрәк читлегенең сул як өлеше яраланган хатын-кыз урында ук җан бирә. Әлеге факт буенча РФ Җинаять кодексының 105нче маддәсе 1нче өлеше (үтерү) буенча җинаять эше кузгатылган.