Сабыйны коймага элеп калдырганнар
Коймага элеп калдырылган хатын-кыз сумкасында яңа туган сабый гәүдәсе килеп чыккан.
Казанда шәһәрнең 7 нче клиник хастаханәсе коймасында әнә шундый сумка тапканнар. Нәни кыз өшү нәтиҗәсендә үлгән дип фаразлана. Аның өстендә ползунки, чепчик һәм яулык кына була. Баланы әнисе өйдә генә тудырган булырга тиеш. Әлеге уңайдан җинаять эше кузгатылган.