Зәйдән Анна Краснова “Ел хатын-кызы” бәйгесе финалында катнашачак

 Халыкара хатын-кызлар көне якынлаша. Шул уңайдан бу көннәрдә Азнакайда “ Ел хатын-кызы. Ел ир-аты хатын-кыз күзлегеннән республика бәйгесенең төбәк туры үтте. Анда 8 районнан 10 номинациядә 48 конкурсант катнашты. Нәтиҗәдә “Мәдәният һәм сәнгать” номинациясендә Зәй музыка мәктәбе укытучысы Анна Краснова җиңүче булды. 8 март алдыннан ул бәйгенең финал өлешендә Казанда чыгыш ясаячак.