Ирек Билаловның шигырьләр җыентыгы дөнья күрде

Сарман районы баш табибы булып хезмәт куючы якташыбыз Ирек Билаловның шигырьләр җыентыгы дөнья күрде.

Ирек Билаловны әлкилеләр бик әйбәт теш табибы буларак яхшы хәтерли. Сәхнәгә чыкса,  матур моңлы тавышы белән җыр сөючеләрнең күңелен әсир итә иде ул. 1996 елдан бирле Сарман районы баш табибы булып эшләүче Ирек Нуретдин улы анда да үзен халык сәламәтлеген саклау хезмәтен җаны-тәне белән бирелеп башкаручы белгеч һәм җитәкче итеп таныткан. 55 яше тулган көннәрдә җырга-моңга һәвәс якташыбызның яңа шигырьләр җыентыгы басылып чыкты.