ՀՀԿ Գործադիր մարմնի նիստին հաստատվել է կուսակցության նախընտրական ցուցակը. Արմեն Աշոտյան
ՀՀԿ Գործադիր մարմնի նիստը քիչ առաջ ավարտվել է, և նախընտրական ցուցակը հաստատվել. Tert.am-ին հայտնեց ՀՀԿ փոխնախագահ Արմեն Աշոտյանը:
Ըստ նրա՝ ՀՀԿ նախընտրական ցուցակը վաղը ԿԸՀ կներկայացվի 17։15-ին: Արմեն Աշոտյանը հրաժարվեց այլ մանրամասներ ներկայացնել՝ հորդորելով սպասել վաղվան:
Հիշեցնենք, որ արդեն իսկ հայտնի է, որ ՀՀԿ ցուցակը գլխավորելու է Վիգեն Սարգսյանը։ Ըստ տեղեկությունների՝ ցուցակի երկրորդ հորիզոնականում Դավիթ Շահնազարյանն է:
Առաջին տասնյակում լինելու են նաև Վահրամ Բաղդասարյանը, Էդուարդ Շարմազանովը, Արփինե Հովհաննիսյանը, Արմեն Աշոտյանը և այլք:
Նշենք, որ նախընտրական ցուցակները ԿԸՀ ներկայացնելու վերջնաժամկետը վաղն է՝ նոյեմբերի 14-ը՝ ժամը 18։00–ը։