Сербияда автобус менен поезд кагышып, беш киши мерт болду
Серб бийлиги кабарлагандай, 21-декабрда орун алган бул кырсыктан кеминде 30 адам жаракат алды.
Полиция бул окуяга автобустун айдоочусу себеп болушу мүмкүн деген версия каралып жатканын кабарлады.
Ниш шаарындагы оорукананын дарыгелерлери эки жабырлануучунун өмүрү үчүн күрөшүп жатышканын маалымдашты.
Сербиянын мамлекеттик телеканалы билдиргендей, бул автобус жергиликтүү окуучуларды мектепке алып бара жаткан. Окуя болгон жерде тартылган видео тасмалардан унаа дээрлик экиге бөлүнүп, поезд рельстен чыгып кеткенин көрүүгө болот.