Президенттикке талапкер Улукбек Кочкоровдун Талас шаарынын Сарыгулов көчөсүндөгү борбордук штабына илинген баннерин 2-октябрга караган түнү белгисиз адамдар айрып кетишкен. Бул тууралуу "Азаттык" үналгысына Кочкоровдун Талас облусундагы ишенимдүү өкүлү Элдар Алаков билдирди. Алар окуя боюнча укук коргоо органдарына кайрылды. Таласта буга чейин президенттикке талапкер Сооронбай Жээнбековдун үгүт баннерлери айрылып, өрттөлгөн.
