Депутаттар «Бирдиктүү терезе» системасынын иши менен таанышат

Жогорку Кеңештин тармактык комитети көчмө жыйын өткөрүп, борборлоштурулган «Бирдиктүү терезе» системасынын жумушу менен таанышат. Бул тууралуу парламенттин басма сөз кызматы билдирди.


Ички иштер министрлигинин мамлекеттик кызмат көрсөтүү борборунда «Бирдиктүү терезе» системасы былтыр октябрда ишке кирген. «Бирдиктүү терезе» системасына ылайык, жарандарга зарыл документтерди чогултуу үчүн бир нече бөлүмдөргө кайрылып, узун кезекте турбастан кыска мөөнөттө алуу мүмкүнчүлүгү түзүлүп, жаңы система коррупцияны азайтууга өбөлгө түзөрү айтылган. (КЕ)