11 nye smittetilfelle i Ålesund
Ålesund kommune fekk tysdag 10. august meldt til saman 11 smittetilfelle på ettermiddag og kveld. Kommunen skriv at smittesporingsarbeidet er arbeidskrevjande og dei har sett inn store ressursar for å få oversikt. Fire av dei smitta er nærkontaktar og var i karantene. For tre er smittevegen kjend og ein har fått påvist smitte etter innreise frå grønt land. For dei siste tre er smittekjelda ukjend og smittesporing er i gong. Gjestar ved Brooklyn pub laurdag 7. august bør teste seg, skriv kommunen.