Зәй “Нур” мәчетендә көн дә ифтарлар уза
“Нур” мәчетендә Рамазан шәриф ае башланганнан бирле ифтарлар уза. Аңа ит белән район башкарма комитеты җитәкчесе Разиф Кәримов булышлык итте. Химаячеләр, шәһәр халкы исә бу айда азыклата, акчалата да ярдәм итә. Ифтарларга шактый зәйле йөри. Агымдагы елда да мәчеткә Төркиядән коръән хафиз килде. Ул бер ай буе Коръән сурәләре укый, тәравих намазлары башкара. Аның белән әңгәмә газетабызның алдагы саннарының берсендә урын алачак.