Зәйдә барлык мәйданның 26,6 процентында игеннәр урып суктырылды
Зәй районы басуларында урып-җыю эшләре соңгы көннәрдә аеруча кызу темплар белән бара. Бөртекле культуралар мәйданының 25,6 проценты җыеп алынган. Төгәлрәк итеп әйткәндә, игенчеләр 10251 гектардан 27883 тонна ашлык суктырды. Уңыш гектарыннан уртача 27,2 центнер тәшкил итә. Көзге бодай һәм арыш мәйданнары суктырылып бетү алдында. “Зәй” агрофирмасы басуларыннан көзге бодай тулысы белән җыеп алынды, “Зәй шикәре” һәм “Восток”та да бу төр бөртеклеләр күп калмый. Хәзер игенчеләр тритикалены урып-җыю эшенә кереште.