Грузияда тогуз адамды барымтага алган киши кармалды
20-ноябрда Тбилиси полициясынын башчысы Важа Сирадзе "МВС" микрокредит уюмунда барымтага алынган жарандардын баары бошотулганын билдирди.
Полиция уюмдун имаратын курчап, кылмышка шектүүнү колго түшүргөн. Анын кандай максатта бул кадамга барганы жөнүндө маалымат айтыла элек.
Октябрда да Грузиянын Зугдиди шаарында беткап кийген адам банкты тоноо маалында 43 кишини барымтага алган. Кийин ал акчаны алып, барымтадагы кишилерди бошоткондон кийин изин жашырып кеткен.