Әлмәтле җәяүлене бәргән...
Бу хәл 10 августта 14 сәгать 30 минутта Ленин урамы, 98 нче йорт каршында була.
Автомобиль йөртү стажы 19 ел булган 1960 елгы әлмәтле ВАЗ-21104 машинасында Мәрҗани урамыннан Төзүчеләр проспектына таба хәрәкәт иткәндә 1995 елгы җәяүлене бәрдерә. Нәтиҗәдә соңгысын баш мие селкенү һәм башка төрле дәрәҗәдәге тән җәрәхәтләре белән хастаханәгә озаталар. Җәяүле зебрадан барган була, ләкин автомобиль йөртүче аңа юл бирми.