Մահացել է Ֆրանսիայի Հայ վետերանների և դիմադրության մարտիկների ազգային ասոցիացիայի դրոշակակիր Աշոտ Շմավոնյանը
Կյանքի 85-րդ տարում ապրիլի 18-ին կորոնավիրոսից մահացել է ֆրանսահայ հայտնի գործիչ, Հայ վետերանների և դիմադրության մարտիկների ազգային ասոցիացիայի դրոշակակիր Աշոտ Շմավոնյանը։ «Արմենպրես»-ին այս մասին տեղեկացրեց «Nouvelles d’Arménie»-ի լրագրող Ժան Էկյանը։
«Աշոտը վետերան է, Հայ վետերանների և դիմադրության մարտիկների ազգային ասոցիացիայի դրոշակակիր, ASPA- ի նախագահ: Նա ներկա էր բոլոր ռազմական արարողություններին, որոնց ողջունում էին բոլոր նախագահները ՝ Ֆրանսուա Միտերանից մինչև Էմանուել Մակրոն: Բաճկոնի վրա նա միշտ կրում էր իր և իր հերոս Մոնթե Մելքոնյանի հաղթանակների մեդալները»,- նշել է Ժան Էկյանը:
Նրա խոսքով՝ Աշոտ Շմավոնյանը տասնյակ հազարավոր մարդասիրական ծանրոցներ է ուղարկել Հայաստան, և վերջերս նաեւ Արցախի սգավոր ընտանիքների համար, որոնք նա հավաքել է ամբողջ Ֆրանսիայում:
The post Մահացել է Ֆրանսիայի Հայ վետերանների և դիմադրության մարտիկների ազգային ասոցիացիայի դրոշակակիր Աշոտ Շմավոնյանը appeared first on ԳԱԼԱ.