Øygarden kommune er kritiske til forslaget om ei geografisk omfordeling av koronavaksinene. Kommunen vest for Bergen er av dei som vil måtte gi frå seg vaksinar. I ei pressemelding skriv Øygarden-ordføraren (bildet) at den nye strategien vil gi store konsekvensar for dei, og kommunen ber om at forslaget blir skrota. – Redusert mengde i mai og juni gjer at vi får eit stort etterslep som må takast att i juli og august. Vi vil få store problem med å gjennomføre vaksinasjonen som for vår del må utførast i ferietida, seier Tom Georg Indrevik (H).
