Хитой Афғонистонга 30 млн доллар миқдоридаги тезкор ёрдам юборади
Хитой Афғонистонга тезкор ёрдам сифатида озиқ-овқат маҳсулотлари, вакциналар, тиббий воситалар ва қишки товарларни тақдим этади. Ушбу мақсадлар учун 200 миллион юань — тахминан 30 миллион АҚШ доллари миқдорида маблағ ажратилган. Бу ҳақда Хитой ташқи ишлар вазири Ван И маълум қилди, деб ёзмоқда «Коммерсантъ».
«Хитой афғон халқининг эҳтиёжларидан келиб чиқиб ушбу мамлакатга тезкорлик билан умумий қиймати 200 миллион юанни ташкил қиладиган озиқ-овқат маҳсулотлари, қишки товарлар, вакциналар ва тиббиёт воситаларини тақдим этишга қарор қилди»,— деган Ван И Эрон, Покистон, Тожикистон, Туркманистон ҳамда Ўзбекистон ташқи ишлар вазирлари иштирок этган онлайн учрашувдаги нутқида.
Ван Ининг қўшимча қилишича, Хитой ҳукумати Афғонистонга одамлар ҳаётини яхшилаш бўйича лойиҳаларнинг амалга оширилишида кўмак беришга тайёр.
kommersant.ru