Գազային դիմակներով և պաշտպանիչ կոստյումներով հրշեջներ և զինվորականներ. Կիմ Չեն Ընը ներկա է գտնվել Հյուսիսային Կորեայում անցկացված զորահանդեսին (լուսանկարներ, տեսանյութ)

Հյուսիսային Կորեան ռազմական շքերթ է անցկացրել՝ նվիրված կոմունիստական պետության հիմնադրման 73-րդ տարեդարձին: Այս մասին հայտնում է BBC News-ը՝ նշելով, որ զորահանդեսին որևէ խոշոր բալիստիկ հրթիռ չի ցուցադրվել:

Պետական լրատվամջոցը լուսանկարներ է հրապարակել երեկոյան տեղի ունեցած զորահանդեսից՝ ներկայացնելով զինվորականների շարքերը, ռազմատեխնիկան և պաշտպանիչ կոստյումներով և գազային դիմակներով աշխատակիցներին: Զորահանդեսին ներգրավվել են նաև հրշեջ փրկարարներն ու նրանց տեխնիկան:  

Երկրի առաջնորդ Կիմ Չեն Ընը ներկա է գտնվել տոնական զորահանդեսին: Վերջինիս նկատել են առանց դիմակի, երեխաների հետ շփվելիս: