За суткі польскія памежнікі спынілі 194 спробы нелегальнага перасячэння мяжы

За сераду польскія памежнікі спынілі 194 спробы нелегальнага пранікнення ў краіну. Трох чалавек затрымалі. Усе яны — грамадзяне Афганістана. „Астатнія спробы былі сарваныя”, — адзначылі ў памежнай службе Польшчы. Там таксама падкрэслілі, што з пачатку верасня вартавыя мяжы спынілі ўжо амаль 1300 такіх спробаў.

Прадстаўніцтва ЕЗ у Беларусі  напярэдадні абвясціла дэмарш беларускаму МЗС „у сувязі з незаконнымі пераходамі мяжы з боку Беларусі ў Еўрапейскі звяз” і настойліва папрасіла „ўлады Беларусі спыніць гэтую практыку”.

Беларускае Радыё Рацыя

fot. BiOSG