ССВ: Ўзбекистонга 1,2 миллион доза Pfizer/BioNTech вакцинаси олиб келиниши кутилмоқда
Вазирлик мазкур вакцина билан бирга тез орада мамлакатга 600 минг дозадан зиёд AstraZeneca вакцинаси ҳам олиб келинишини очиқлаган.
АҚШнинг Pfizer ва Германиянинг BioNTech ширкатлари ҳамкорликда ишлаб чиқарган Pfizer/BioNTech препарати ўзбекистонликларни эмлашда қўлланиладиган бешинчи вакцина бўлади. Бунгача мамлакатдаги вакцинация жараёнида ZF-UZ-VAC2001, AstraZeneca, Спутник V ва Moderna вакциналаридан фойдаланиб келинган.
Аввалроқ ССВ Ўзбекистонда шу кунда вакцина захираси 22 миллион 446 минг 540 дозани ташкил қилаётгани, бундан 460 минг дозаси Спутник V, 986 минг 480 дозаси AstraZeneca, 18 миллион дозаси ZF-UZ-VAC2001, 3 миллион 60 дозаси эса Moderna вакцинаси эканини билдирган.