სირიაში რუსი სამხედრო მოსამსახურე დაიღუპა
რუსეთის სახელმწიფო მედიის თანახმად, აფეთქება იმ დროს მოხდა, როდესაც რუსეთის არმიის სამხედრო პატრული ჰუმანიტარული ტვირთით სავსე კოლონის გადაადგილების მარშრუტს ამოწმებდა.
მიღებული ჭრილობების შედეგად სამხედრო დაიღუპა. მისი წოდება და ვინაობა უცნობია.
ოფიციალური მონაცემებით სირიაში რუსეთის სამხედრო ჩარევის შემდეგ იქ 100-ზე მეტი რუსეთის მოქალაქე დაიღუპა. ამას ემატება ათობით რუსი დაქირავებული მებრძოლი რომლებიც, კერძო სამხედრო ფირმა „ვაგნერის“ შემადგენლობაში, ბაშარ ასადის არმიის მხარეზე იბრძვიან.
ხსენებულ კერძოს სამხედრო კომპანიასთან კავშირს რუსეთის ხელისუფლება უარყოფს.