Дилявер Ваниев: "Хомяков бетоб, бугунги мағлубиятни ўз бўйнимга оламан" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Суперлиганинг 17-турида “Машъал” клуби бугун ўз майдонида “Андижон”га 0:1 ҳисобида ютқазиб қўйди. Ўйиндан кейин мезбонлар мураббийи Дилявер Ваниев журналистларнинг саволларига жавоб қайтарди. - Бугун “Машъал”нинг мағлубиятга учрашига нима сабаб бўлди? - Бугун кўрган бўлсангиз, турнир жадвалида яқин турган иккита жамоалар ўйнади. Ушбу учрашувда биз ютишимиз керак эди. Мағлубиятимизнинг сабаби, бугун ўйинчиларимизни аҳволи идеал ҳолатда эмасди. “Андижон” мана шундай ўйин кўрсатишини футболчиларимизга айтгандик. Аламли мағлубят, бугун ютганимизда хавфли зонадан чиқиб кетардик. Кураш охирги тургача давом этади. - Хомяковнинг ўз ўрнида эмаслиги ҳам ўйинга таъсир кўрсатдими? - Бугун бош мураббий йўқ эди. Бетоб эди. Албатта, у билан ўйиндан олдин маслаҳат қилдик, тайёргарлик кўрдик. Аммо бугунги мағлубиятни ўз бўйнимга оламан. - Ибе Окоро захирага олинганида норози ҳолатда тарк этди. Бунга муносабатингиз қандай? - Яхши. - Сиз қўл ташлаган пайтингизда бунга жавоб қайтаришни истамагандек ўтиб кетди... - Буни кўрмадим. Ҳаммаси яхши. Ҳозир ечиниш хонасида гаплашдик. Қўл бермаганига эътибор бермадим. Тактик ўзгаришни қилдик. - Сирожиддин Қўзиевдан нега фойдаланмадингиз? - Қўзиевга келсак, у асосий ўйинчимиз, жамоа билан машғулот ўтказишни бошлади. Фақат ҳали тўлиқ тайёр эмасди. Мураббийлар билан маслаҳатлашиб майдонга туширмасликка қарор қилдик.