Добавить новость
ru24.net
World News
Сентябрь
2021

Илшат Рәхимбай халыкара питчингта «Микулай» проектын тәкъдим итте

0

(Казан, 10 сентябрь, «Татар-информ», Рузилә Мөхәммәтова). Татар кинорежиссеры Илшат Рәхимбай Халыкара кинопроектлар питчингында «Микулай» кинопроектын тәкъдим итте. Әмма комиссия башка проектка өстенлек биргән.

«Микулай» кинопроекты презентациясе питчингның якты мизгеле булды. Фильмда төп рольне Виктор Сухоруков башкарачак», — дип хәбәр итә Казан халыкара мөселман киносы фестиваленең матбугат үзәге.

Казан халыкара мөселман киносы фестивале кысаларында халыкара питчинг үтте. Анда унбиш кинопроект катнашты. Җиңүче проектка 500 мең сумлык сертификат тапшырылды.

«Микулай» фильмы Мансур Гыйләҗевның шул исемдәге пьесасына нигезләнеп төшерелә. Әсәр ике татар театрында — Әлмәттә һәм Кариев театрында бара. Моноспектакльнең бердәнбер герое — бетеп барган авылда ялгызы яшәп ятучы Микулай исемле керәшен агае.

Илшат Рәхимбай фильмның жанрын этник фактуралы психологик триллер дип билгеләгән. Фильмның бюджеты 20 млн. сум. Режиссер аның инде ярты суммасы җыелуы турында әйткән.

Фильмны яклап Виктор Сухоруковның да чыгыш ясавына карамастан, эксперт комиссиясе әгъзалары башка фильмга өстенлек биргән.

Фильм кичә Питрәч районында төшерелә башлаган дигән хәбәр бар.




Moscow.media
Частные объявления сегодня





Rss.plus




Спорт в России и мире

Новости спорта


Новости тенниса
ATP

Андрей Рублев дошел до финала теннисного турнира ATP в Дохе






Овчинский: 63 семьи получили жилье по реновации в Лосиноостровском районе

Сотни пассажиров ждут уже несколько часов: рейсы задержали в аэропорту Владивостока

«Спартак» — «Динамо» Минск. Прямая трансляция матча КХЛ, смотреть онлайн

Mash: незрячий диджей с Урала выступил на сцене в Москве