Сентябр ойининг биринчи ҳафтаси давомда сақланиб турган, ҳаво ҳарорати меъёрдан 2-5° га юқори бўлган узоқ давр кузатилган жуда иссиқ об-ҳаводан сўнг, Ўзбекистонга биринчи кузги совуқ кириб келди. 8 сентябрда республиканинг шимолига антициклон кириб келиши бошланди, у Волга бўйи ҳудудларидан салқин ҳаво олиб келди. 9 сентябрда салқин ҳаво массаси Ўзбекистоннинг барча ҳудудини қамраб олди, ҳарорат кечалари 14-17° гача, шимолда 8-13° гача, кундуз кунлари 27-32° гача пасайди. Гидрометеорология хабарига кўра, бугун кундуз куни республика ҳудудига совуқ оқим кириб келиши давом этади ва кундуз кунги ҳарорат 24-27° гача пасаяди ва ўртача кўп йиллик қийматлардан 2-4° га паст бўлади. Республиканинг катта қисмида асосан ёғингарчиликсиз об-ҳааво бўлиши кутилмоқда, фақат республиканинг тоғли ҳудудларида баъзи жойларда ёмғир ёғиши мумкин, баланд тоғларда баъзи жойларда ёмғир қорга айланиши эҳтимоли бор. Aйрим жойларда шамол тезлиги 17-22 м/с гача кучайиши мумкин. Шанба ва якшанба куни совуқ антициклон таъсири ҳисобига ҳарорат кечалари 12-15° гача пасаяди, кундуз кунлари еса аста-секин исийди ва якшанба куни ҳарорат 27-30° гача кўтарилади.
