საქართველოში 20%-ს მიუახლოვდა სრულად ვაქცინირების მაჩვენებელი

საქართველოს დაავადებათა კონტროლის ეროვნული ცენტრის მიერ დილით გამოქვეყნებული მონაცემებით, გასული დღის განმავლობაში, 9 სექტემბერს კოვიდინფექციის საწინააღმდეგო ვაქცინით აიცრა 24 325 ადამიანი.


15 მარტიდან გაკეთებულია 1 433 296 აცრა. ერთი დოზით ვაქცინირებულია 879 384 ადამიანი, ანუ მოზრდილი მოსახლეობის 30.8%. სრულად ვაქცინირებულია 553 912 - მოზრდილი მოსახლეობის 19.4%.


ეპიდემიოლოგების თანახმად, ე.წ. კოლექტიური იმუნიტეტისთვის საჭიროა, აცრილი იყოს მოზრდილი მოსახლეობის 60% მაინც. საქართველოში ვაქცინაცია მიმდინარეობს "ფაიზერის", "სინოფარმის", "სინოვაკისა" და "ასტრაზენეკას" ვაქცინებით.