(Казан, 10 сентябрь, «Татар-информ»). Россиядә 21 сентябрьдән Белоруссия белән авиаэлемтәгә барлык чикләүләр алыначак. «Фикер алышу нәтиҗәләре буенча Хөкүмәт 2021 елның 21 сентябреннән Белоруссия белән авиация элемтәсенә барлык чикләүләрне бетерү турында карар кабул итте», диелә Коронавирус инфекциясе таралуга каршы көрәш буенча оператив штаб хәбәрендә. Билгеләп үтелгәнчә, Covid-19 коронавирусы таралу куркынычы югары булу сәбәпле, вакытлыча чикләнгән ике ил арасындагы авиаочышлар тулысынча торгызылачак.
