Казан янында булган юл-транспорт һәлакәтендә йөртүче үлгән
(Казан, 10 сентябрь, «Татар-информ», Полина Шевчук). Бүген 15.00 сәгатьтән соң Казан-Йошкар-Ола автоюлының бишенче чакрымында авария булган.
«Татар-информ» агентлыгына республиканың Дәүләт автоинспекциясендә сөйләүләренчә, «Лада» йөртүчесе каршы як полосага чыккан һәм «МАЗ» йөк машинасы белән кара-каршы бәрелешкән.
«Лада» автомобиле белән идарә итүче 40 яшьлек ир-ат каты имгәнгән һәм юл-транспорт һәлакәте урынында ук үлгән. Авариядә гаепле йөртүчене тикшерү ачыклаячак», — диде Россия Эчке эшләр министрлыгының ЮХИДИ Яшел Үзән буенча бүлеге җитәкчесе Рамил Идиятуллин.