ملګري ملتونه: ۵ قدرتونه یو باثباته افغانستان غواړي
دا خبره د ملګرو ملتونو عمومي منشي انتونیو ګوتیریش د امریکا، بریتانیا، چین، فرانسې او روسیې د بهرنیو چارو له وزیرانو سره تر کتنې وروسته خبریالانو ته کړې ده.
دا کتنه د افغانستان په وخت تېره شپه د ملګرو ملتونو د عمومي غونډې په څنډه کې شوې ده.
ګوتیریش زیاته کړې: "ټول پنځه قدرتونه داسې سوله ییز او باثباته افغانستان غواړي چې بشري مرستې په کې له ستونزې او تبعیض پرته وویشل شي."
نوموړي ویلي، نړیوال قدرتونه داسې افغانستان غواړي چې د نجونو او ښځو حقونو ته په کې درناوی وشي، ټول شموله حکومت ولري او بیا د ترهګرو پټنځای ونه اوسي.