Луксембург има најмногу автомобили по глава на жител во ЕУ

Луксембург веќе 30 години бележи највисока стапка на моторизација меѓу членките на ЕУ, објави Евростат по повод вчерашниот Светскиот ден без автомобили. Во 2019 година, Луксембург имаше 681 патнички автомобили на 1.000 жители. Речиси една петтина од автомобилите што се возат во Луксембург не се постари од две години. Треба да се има предвид дека на оваа бројка може да влијае фактот што прекуграничните работници, кои не се жители на Луксембург, користат службени автомобили регистрирани во таа земја.


Корона и загаден воздух - смртоносна комбинација


На второ место е Италија, со 663 автомобили на 1.000 жители, потоа Кипар (645), Финска и Полска (642). Најмалку автомобили на 1.000 жители имаат Романија (357), Латвија (381) и Унгарија (390). Во 2019 година, Германија имаше најмногу регистрирани патнички автомобили, 48 милиони, потоа Италија со 40 милиони и Франција со 32 милиони. Бугарија е единствената земја -членка на ЕУ во која се регистрирани помалку автомобили во 2019 година во споредба со 2015 година, за 11%.