Алматы бассейніндегі улану: дәрігерлер балалардың жағдайын айтты
Балалардың жедел медициналық жәрдем орталығы Алматыдағы бассейндердің бірінде уланып қалған балалардың жағдайы туралы хабарлады, - деп хабарлайды Tengrinews.kz тілшісі.
Аурухана бас дәрігері орынбасарының айтуынша, балалардың жағдайы жақсы.
"Таңғы сағат 10:30-да жедел жәрдем бригадасымен 11 бала жеткізілді. Оларды дәрігерлер қарап шығып, хлормен уланған деген диагноз қойды. Осыдан кейін детоксикация терапиясы басталды. Қазіргі уақытта балалар өздерін жақсы сезінеді, жағдайлары орташа", - деді бас дәрігердің ұйымдастыру-әдістемелік жұмысы жөніндегі орынбасары Алуа Жексенова.
Бас дәрігер орынбасарының айтуынша, балалар токсикология бөлімінде жатыр. Аурухана балалардың бір-екі күн ішінде шығарылуы мүмкін деді.
Еске салайық, Алматыдағы бассейндердің бірінде синхронды жүзу командасындағы 12-14 жастағы 11 қызы уланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!