Қаржы министрі депутаттар сынына жауап берді
Ерұлан Жамаубаевтың айтуынша, көпшілік бизнесті тексеруге мораторийді алып тастауға қатысты ұсынысты дұрыс түсінбеген. Яғни, министрлік жалпы бизнеске емес, жауапсыз кәсіп жүргізген субъектілерге ғана тексеру жүргізуді қалайды.
"Әйтпесе, онлайн бизнесте жүргендердің дені бақылау кассаларын қолданбай жатыр. Мәселен, былтыр осындай жағдаймен тұтынушылардан 19 мың шағым түскен. Барлығында чек ұрылмаған. Ал шағын және орта бизнеске қойылған мораторий 2023 жылдың 1 қаңтарына дейін жалғасады дейді. Оған Президенттің өзі тапсырма берген", - дейді AIBAT тілшісі.
Егер қандай да бір өзгеріс болса, онда Қаржы министрлігі құжатты қоғамдық талқыға міндетті түрде шығаруға дайын екені хабарланды.
Посмотреть эту публикацию в Instagram
Публикация от @aibat__kz
Еске салайық, 2 қыркүйекте Үкімет отырысында қаржы министрі Қазақстанда шағын бизнесті тексеруге мораторийді алып тастауға ұсыныс жасаған. Бірақ бұл дауға ұласып, бірқатар мәжілісмен қарсылығын білдірген.