Масавыя вобшукі ў Бабруйску

У Бабруйску (Магілёўская вобласць) з самай раніцы 24 верасня праходзяць вобшукі, паведамляе праваабарончы тэлеграм-канал „Вясна/правы чалавека ў Беларусі”.

Праваабаронцам стала вядома пра вобшукі ў мясцовых жыхароў Юліі Загрышавай, Валянціна Варычава, Дзмітрыя Косціна, Яўгеніі Міронавай і Ксеніі Емяльяненкі.

Мясцовыя тэлеграм-каналы пішуць, што сілавікі сёння прыйшлі прыкладна ў дзесяць кватэр. Пасля вобшукаў некаторых людзей павезлі ў міліцыю на допыты.

Адзначаецца, што, магчыма, вобшукі звязаныя з інцыдэнтам на чыгунцы мінулым летам, калі на рэйках у Бабруйскім раёне быў знойдзены муляж выбуховага прыстасавання.

Беларускае Радыё Рацыя