ირანის თქმით, მოლაპარაკება ბირთვული პროგრამის გარშემო „ძალიან მალე“ განახლდება
24 სექტემბერს გაეროს გენერალური ასამბლეის ნიუ-იორკის კულუარებში აბდოლაჰიანმა „კონსტრუქციული“ უწოდა ირანისა და საუდის არაბეთის ოფიციალური პირების შეხვედრას და დასძინა, რომ თეირანმა წამოაყენა იემენში მშვიდობის დამყარებისკენ მიმართული შემხვედრი წინადადება.
2015 წელს თეირანსა და მსოფლიოს წამყვან ქვეყნებს შორის გაფორმებული ბირთვული ხელშეკრულების აღდგენის მიზნით, მიმდინარე წელს ირანმა ვენაში მოლაპარაკებების 6 რაუნდი გამართა მსოფლიოს წამყვან ქვეყნებთან.
ამ ხელშეკრულებით, ირანი დათანხმდა თავისი ბირთვული პროგრამის შეზღუდვას, სანქციების მოხსნის სანაცვლოდ. მაგრამ აშშ-ის ყოფილმა პრეზიდენტმა, დონალდ ტრამპმა 2018 წელს აშშ ხელშეკრულებიდან გამოიყვანა და ირანს მკაცრი ეკონომიკური სანქციები აღუდგინა. ირანმა ამის პასუხად დაიწყო ხელშეკრულების პირობების თანდათანობით დარღვევა, მათ შორის, ურანის უფრო მაღალი ხარისხით გამდიდრების გზით, რომელიც უფრო ახლოსაა ბირთვული იარაღის შესაქმნელად საჭირო დონესთან.