იეღოვას მოწმეებს ვოლგოგრადში 6 და 6,5 წლით პატიმრობა მიუსაჯეს
სასამართლოს გადაწყვეტილებაში ნათქვამია, რომ მსჯავრდებულები ახდენდნენ მომხრეების გადაბირებას და „იეღოვას მოწმეთა რელიგიური სწავლების მიმდევრების უპირატესობის დამტკიცების მიზნით ეწეოდნენ პროპაგანდას“.
მსჯავრდებულები პატიმრობის ვადას კოლონიაში მოიხდიან.
2017 წელს რუსეთის უზენაესმა სასამართლომ იეღოვას მოწმეები ცნო ექსტრემისტულ ორგანიზაციად და აკრძალა ამ რელიგიური ჯგუფის მუშაობა რუსეთის ფედერაციის ტერიტორიაზე. კანონის მიღების შემდეგ ამ რელიგიური მიმდინარეობის ათასობით წარმომადგენელი შეეცადა დაეტოვებინა ქვეყანა და უცხოეთში ეძებნა თავშესაფარი.
2020 წლის თებერვალში რუსეთის სახელმწიფო უწყება „როსფინმონიტორინგმა“ იეღოვას 200-მდე მოწმე შეიყვანა იმ ორგანიზაციათა და ფიზიკურ პირთა სიაში, რომლებსაც კავშირი აქვთ ტერორისტულ და ექსტრემისტულ საქმიანობასთან.