Denisova Türkiye ombudsmanına Rusiye apsinde olğan qırımtatarlarnıñ cedvelini berdi

Ukraina ombudsmanı Lüdmila Denisova Türkiye zenaatdaşı Şeref Malkoç ile körüşüv vaqtında oña Rusiye apsinde tutulğan qırımtatarlarnıñ cedvelini berdi. O, "ukrain siyasiy mabüsleriniñ Vatanına qaytması içün mümkün olğan bütün vastalarnen yardım etmege" rica etti.

Bunıñ aqqında Denisovanıñ içtimaiy ağlarda yayınlanğan beyanatında yazıla. 

Ombudsman Türkiye prezidentiniñ Qırımnıñ ilhaqı ile bağlı deñişmez destegi  ve tevqif etilgen qırımtatar faallerniñ azat etilmesine yardım ve Rusiyege tazyıq içün minnetdarlıq bildirdi. 

«Öz nevbetinde Şeref Malkoç Ukraina vatandaşlarınıñ ve topraqlarınıñ keri qaytarılması oğrunda küreşte işbirlikni ve yardımnı quvetleştiricegine söz berdi», – dep yazıla bildirmede.

Şeref Malkoç Ukrayna vətəndaşlarının və ərazilərinin geri qaytarılması uğrunda mübarizədə əməkdaşlığı və yardımı gücləndirəcəyini vəd etdi.

Uquq qoruyıcılarnıñ malümatına köre, işğ etilgen Qırımda ve Rusiyede 127 ukrain siyasiy mabüsi tutula.

Qırımlı siyasiy mabüslerniñ azat etilüv meselesi tamamınen toqtatılğan. Putin ile vastasız aytışuvlar kerek –Zelenskıy.

Qırımnıñ Rusiye başı Sergey Aksönov Qırımda «kesen-kes» siyasiy mabüsler yoq, dep bildirdi.

Ukraina Tış işler naziri Dmıtro Kuleba sentâbrniñ 6-nda Ukrainanı ziyaret etken Amerika kongressmenlerine Qırımda keçirilgen yañı tintüv ve tutuvlar aqqında tarif etip, olarnı yarımadada basqılarnı toqtatmaq maqsadınen Kremlge qarşı basqı quvetleştirüvde yardım etmelerine çağırdı.

Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.