Կիմ Չեն Ընի քույրը հայտարարել է, որ Հյուսիսային Կորեան պատրաստ է պատերազմին վերջ դնելուն և նշել, թե ինչ պայմանով
Հյուսիսային Կորեայի առաջնորդ Կիմ Չեն Ընի քույրը՝ Կիմ Յո Չոնը, հայտարարել է, որ իրենք պատրաստակամ են վերսկսել բանակցությունները Հարավի հետ, եթե վերջինս վերջ դնի «թշնամական քաղաքականությանը»:
Ինչպես փոխանցում է BBC News-ը, ԿԺԴՀ-ում երկրորդ ազդեցիկ անձնավորությունն այսպես է պատասխանել Հարավից կրկին հնչած կոչին Կորեական պատերազմին պաշտոնապես վերջ տալու մասին:
Հակամարտությունը, որի հետևանքով թերակղզին բաժանվել է երկու մասի, ավարտվել է 1953 թվականին՝ զինադադարով, սակայն առանց խաղաղության պայմանագրի:
Երկու երկիրն այդ օրվանից ի վեր տեխնիկական հակամարտության մեջ են և փակ են պահում սահմանները միմյանց համար:
Այս շաբաթ Հարավային Կորեայի նախագահ Մուն Չժե Ինը կոչ էր արել երկու Կորեաներին և նրանց դաշնակիցներին՝ ԱՄՆ-ին, որ Հարավային Կորեայի աջաիկիցն է, և Չինաստանին, որը ԿԺԴՀ-ի խոշորագույն տնտեսական գործընկերն է, վերջ տալ շարունակվող հակամարտությանը և խաղաղություն բերել թերակղզուն: