Салык кызматы тамеки жана алкоголдун акциз салыгын санарипке өткөрөт
Январь айынан баштап тамеки, 1-февралдан тарта алкоголдук продукция боюнча пилоттук долбоор ишке ашырылат.
Долбоор Салык кызматы менен маркалоонун жана маркаланган товарларга байкоо жүргүзүүнүн улуттук системасынын оператору – "Мегаком" менен биргеликте ишке ашырат.
Салык кызматы акциз салыгын санариптик башкарууга өткөрүү акциз салыгын башкарууну өркүндөтүп, милдеттүү маркалоого тийиштүү акциздик товарларды өндүрүүгө жана импорттоо менен алектенген субъекттер үчүн жагымдуу шарт түзөрүн билдирет.
Кыргызстанда бажы жана салык кызматтарын санариптештирүү иштери жүрүп жатат. “Салык кодексинин” жаңы редакциясын 2021-жылдын 22-декабрында Жогорку Кеңеш үчүнчү окууда кабыл алып, президенттин кол коюусуна жөнөткөн. (МТа)