Тошкент вилояти ИИББ ҳамда ДХХ вилоят бошқармаси ходимлари томонидан вилоятнинг Тошкент туманида ўтказилган навбатдаги назорат тадбирлари давомида «Катибатул тавхид вал Жиҳод» террористик ташкилотнинг ғоявий таъсирига тушиб, уларнинг фаолиятини қўллаб-қувватлаб келган 8 нафар аъзоси қўлга олинган. Маълум қилинишича, улар 22-25 ёшлардаги шахслар бўлиб, ўзаро келишган ҳолда, келгусида Сурия давлатига чиқиб «Катибатул тавхид вал Жиҳод» террористик ташкилоти жангарилари сафига қўшилишни режа қилганлар. Ҳозирда ҳолат юзасидан қўшимча суруштирув, тергов ҳаракатлари олиб борилмоқда.
