Pedagogia Blerina Lila ka pesë vjet që ka themeluar një çerdhe private - të parën në Kosovë me programe pedagogjike ndryshe nga institucionet e tjera parashkollore. Aty çdo gjë bëhet pa plan dhe spontanisht, nisur nga koha e ushqimit deri te lojërat me lugë e tenxhere. Në një rrëfim për Radion Evropa e Lirë, Blerina thotë se ideja e saj është mirëpritur nga prindërit gjithnjë e më shumë. Sot ajo menaxhon tri institucione edukative me mbi 100 fëmijë.
