Պատմական արդյունք է. Վազգեն Բադալյանն ամփոփել է երիտասարդների Եվրոպայի առաջնությունը
Բռնցքամարտի երիտասարդների Եվրոպայի առաջնությունում հայ մարզիկներն աննախադեպ արդյունք գրանցեցին. տղամարդկանց թիմի 13 մարզիկներից 12-ն արժանացան մեդալների՝ 1 ոսկե, 2 արծաթե և 9 բրոնզե:
Հավաքականի գլխավոր մարզիչ Վազգեն Բադալյանի գնահատմամբ՝ արդյունքները հիանալի են, թեև չեմպիոնության ավելի մեծ ակնկալիքներ է ունեցել.
«Դավիթը հիանալի մենամարտ անցկացրեց, վարպետություն ցույց տվեց: Մրցակիցը շատ ծանր տղա էր, որին Դավիթը հենց առաջին ռաունդում կարողացավ կոտրել, հակառակ դեպքում տանուլ կտար: Դավիթը շատ խելացի տղա է, իսկ այդ ինտելեկտը շատ կարևոր է: Ռինգում պահվածքը, ազատությունը … ամեն ինչ խոսում է ինտելեկտի մասին, որին նա տիրապետում է: Դավիթը նոր է երիտասարդների պայքարում: Վստահ եմ՝ հաջորդ տարի ավելի բարձր արդյունքներ կգրանցի:
Աղվանն ինքը պարտվեց, ոչ թե մրցակիցը հաղթեց: Չգտավ իրեն: Աղվանը նոր է փոխել քաշային կատեգորիան, նախկինում հանդես էր գալիս 86 կգ քաշային կարգում, ու հավանաբար իրեն խանգարեց քաշ գցելը: Աղվանը շատ հուժկու հարվածների է տիրապետում, բայց շտապում էր ու չկարողացավ ցույց տալ իր ողջ ներուժը:
Երեքի վրա էլ ես վստահ էի: Գոռը միանշանակ հաղթող էր իր մենամարտում: Դրսի մասնագետներն էլ են դա ասում: Առաջին ռաունդում հաղթեց, բայց հաղթանակը մրցակցին օգտին գրանցեցին , երկրորդոմ պարտվեց , իսկ երրորդում հիանալի հաղթանակ տարավ: Ինչպե՞ս կարող է այդպես լինել: Մենամարտը բողոքարկել չենք կարող, ասում են՝ մրցավարին կհեռացնեն:
Ընդհանուր առմամբ հիանալի է: Եզրափակում ցույց տված արդյունքներից դժգոհ եմ, քանի որ ավելի շատ չեմպիոն պետք է ունենայինք, բայց 9 բրոնզե մեդալ, երկու արծաթ , մեկ ոսկի՝ փայուն արդյունք է մեր պատմության մեջ»,- ասել է Վազգեն Բադալյանը:
Նշենք՝ թիմային հաշվարկում Հայաստանը երրորդ տեղում է՝ Ռումինիայից (2-րդ տեղ) և Ռուսաստանից (1-ին) հետո:
The post Պատմական արդյունք է. Վազգեն Բադալյանն ամփոփել է երիտասարդների Եվրոպայի առաջնությունը appeared first on ԳԱԼԱ.