کراچۍ کې فعالانو یو مسیحي ته مرګ سزا اورول کېدو ضد مظاهره کړې
په کراچۍ کې فعالانو او د مسیحیانو (عیسویانو) ټولنې په پنجاب کې يو مسیحي ته د مذهب سپکاوي په تور د مرګ سزا اورولو خلاف احتجاجي مظاهره کړې ده. د جولای د دویمې مظاهرې ته د بشري حقونو فعالان، د ښځو د حقونو یوې ټولنې عورت مارچ منتظمين او عيسويان ورغلي ول. هغوی پر احسان شان لګېدلي تورونه رد کړل او و یې ویل چې د پرېکړې پرضد اعلا عدالتونو ته ځي. د جون پر ۲۹مه د پنجاب په ساهیوال کې یو عدالت شان ته د مذهب سپکاوي په قضیه کې د مرګ سزا واوروله. پر هغه تور وو چې تېر کال يې د پنجاب په جړاوالا کې د مذهب سپکاوي په تور د عیسویانو پر کلیساګانو او کورونو د پارېدلو خلکو تر حملې وروسته پر ټولنیزې شبکې ټېک ټاک د اسلامي مقدساتو خلاف مواد خپاره کړي ول. ویډیويي رپورټ.
